Avokati Driton Muharremi ka njoftuar, se ka ngritur padi për shpifje ndaj Valdrin Dervishajt, këshilltarit të ministres së Arsimit, Shkencës, Teknologjisë dhe Inovacionit, Arbërie Nagavci.

Përmes një postimi në rrjetin social Facebook, Muharremi tha se ka kërkuar nga Prokuroria e Krimeve të Rënda në Prokurorinë Themelore në Prishtinë, ta intervistojë  Dervishajn rreth deklarimeve të tij se “ai ka njohuri rreth një hetimi që prokuroria është duke hetuar rreth dy zyrtarëve të MAShT-it”.

“Sot kam ushtruar padi për shpifje kundër këshilltarit të ministres se MASHT-it, Valdrin Dervishaj, si dhe kam kërkuar nga Prokuroria e Krimeve të Rënda në Prokurorinë Themelore në Prishtinë që ta intervistojë të njëjtin lidhur me deklarimet e tij publike se ai ka njohuri rreth një hetimi që Prokuroria është duke hetuar rreth dy zyrtarëve të MASHTI-t dhe se ky e din epilogun e këtij hetimi!”, ka shkruar Muharremi.

“Mjetet lidhur me dëmin publik që më ka bërë me këtë shpifje do t’i dhuroj në Fondacionin për Të Drejtat e Kafshëve!”, tha Muharremi./Arbresh.info/